ᱳᱰᱤᱥᱟ (ଓଡ଼ିଶା) pronounced [oɽɪˈsaː]
ᱫᱚ ᱵᱷᱟᱨᱚᱛ ᱫᱤᱥᱚᱢ ᱨᱮᱭᱟᱜ ᱯᱩᱨᱩᱵᱽ ᱱᱟᱠᱷᱟ ᱨᱮ ᱢᱮᱱᱟᱜ ᱢᱤᱫᱴᱟᱹᱝ ᱯᱚᱱᱚᱛ ᱠᱟᱱᱟ | ᱱᱚᱶᱟ ᱨᱮᱭᱟᱜ ᱩᱛᱟᱹᱨ ᱯᱩᱨᱩᱵᱽ ᱨᱮ ᱯᱚᱪᱷᱤᱢ ᱵᱟᱸᱜᱽᱞᱟ, ᱠᱚᱧᱮ ᱨᱮ ᱡᱷᱟᱨᱠᱷᱚᱸᱰ, ᱠᱚᱧᱮ ᱯᱟᱹᱪᱷᱤᱢ ᱨᱮ ᱪᱷᱚᱛᱤᱥᱜᱚᱰ, ᱛᱮᱛᱚᱢ ᱟᱨ ᱮᱛᱚᱢ ᱯᱟᱹᱪᱷᱤᱢ ᱨᱮᱫᱚ ᱟᱱᱫᱷᱨᱚ ᱯᱨᱚᱫᱮᱥ ᱢᱮᱱᱟᱜᱼᱟ | ᱚᱛ ᱟᱴᱮᱫ ᱚᱝᱥᱟᱨ ᱫᱚ ᱱᱚᱶᱟ ᱟᱨᱮ ᱟᱨ ᱦᱚᱲ ᱮᱞ ᱚᱝᱥᱟᱨ ᱫᱚ ᱜᱮᱢᱤᱫ ᱴᱷᱟᱶ ᱮ ᱟᱢᱮᱴ ᱟᱠᱟᱫᱼᱟ | ᱱᱚᱰᱮᱱᱟᱜ ᱥᱚᱨᱠᱟᱨᱤ ᱯᱟᱹᱨᱥᱤ ᱫᱚ ᱩᱰᱤᱭᱟᱹ ᱠᱟᱱᱟ | ᱒᱐᱑᱑ ᱦᱚᱲ ᱞᱮᱠᱷᱟ ᱚᱝᱥᱟᱨ ᱱᱚᱶᱟ ᱯᱚᱱᱚᱛ ᱨᱮᱫᱚ ᱓᱓.᱒ ᱢᱤᱞᱤᱭᱚᱱ ᱦᱚᱲ ᱩᱰᱤᱭᱟᱹ ᱯᱟᱹᱨᱥᱤ ᱠᱚ ᱵᱮᱵᱷᱟᱨᱟ | ᱱᱚᱶᱟ ᱨᱮᱭᱟᱜ ᱢᱟᱨᱮ ᱧᱩᱛᱩᱢ ᱫᱚ ᱠᱚᱲᱤᱝᱜᱚ ᱛᱟᱦᱮᱸ ᱠᱟᱱᱟ | ᱱᱚᱶᱟ ᱯᱚᱱᱚᱛ ᱫᱚ ᱑ ᱮᱯᱨᱤᱞ ᱑᱙᱓᱖ ᱥᱟᱞ ᱨᱮ ᱵᱮᱱᱟᱶ ᱞᱮᱱᱟ | ᱚᱱᱟᱛᱮ ᱵᱚᱪᱷᱚᱨ ᱜᱮ ᱑ ᱮᱯᱨᱤᱞ ᱦᱤᱞᱚᱜ ᱫᱚ ᱩᱛᱠᱚᱲ ᱢᱟᱦᱟᱸ ᱢᱮᱱᱛᱮ ᱠᱚ ᱢᱟᱱᱟᱶᱟ | ᱵᱷᱩᱵᱽᱱᱮᱥᱚᱨ ᱱᱚᱶᱟ ᱯᱚᱱᱚᱛ ᱨᱮᱭᱟᱜ ᱡᱚᱛᱚ ᱠᱷᱚᱱ ᱢᱟᱨᱟᱝ ᱱᱟᱜᱟᱨ ᱟᱨ ᱨᱟᱡᱽ ᱜᱟᱲ ᱠᱟᱱᱟ | ᱤᱨᱟᱹᱞ ᱥᱟᱭᱟᱝ ᱠᱷᱚᱱ ᱵᱤᱥᱛᱤ ᱥᱚᱢᱚᱭ ᱦᱟᱹᱵᱤᱡ ᱱᱚᱰᱮᱱᱟᱜ ᱨᱟᱡᱽ ᱜᱟᱲ ᱫᱚ ᱠᱚᱴᱚᱠ ᱛᱟᱦᱮᱸ ᱠᱟᱱᱟ | ᱨᱟᱡᱽ ᱜᱟᱲ ᱫᱚ ᱑᱘ ᱮᱯᱨᱤᱞ ᱑᱙᱔᱘ ᱦᱤᱞᱚᱜ ᱵᱷᱩᱵᱽᱱᱮᱥᱶᱚᱨ ᱛᱮ ᱩᱪᱟᱹᱲ ᱞᱮᱱᱟ | ᱡᱮᱜᱮᱛ ᱨᱮᱭᱟᱜ ᱡᱚᱛᱚ ᱠᱷᱚᱱ ᱡᱤᱞᱤᱧ ᱜᱟᱰᱟ ᱵᱟᱸᱫᱽ ᱦᱤᱨᱟᱹᱠᱩᱫᱽ ᱱᱚᱶᱟ ᱯᱚᱱᱚᱛ ᱨᱮᱭᱟᱜ ᱥᱚᱢᱵᱚᱞᱯᱩᱨ ᱦᱚᱱᱚᱛ ᱨᱮ ᱢᱮᱱᱟᱜᱼᱟ | ᱚᱱᱟ ᱪᱷᱟᱰᱟ ᱳᱰᱤᱥᱟ ᱨᱮ ᱟᱨᱦᱚᱸ ᱟᱹᱰᱤ ᱜᱟᱱ ᱧᱮᱞ ᱡᱚᱝ ᱴᱷᱟᱶ ᱢᱮᱱᱟᱜᱼᱟ | ᱯᱩᱨᱤ ᱨᱮᱭᱟᱜ ᱡᱚᱜᱚᱱᱟᱛᱷ ᱢᱚᱱᱫᱤᱨ ᱟᱨ ᱨᱟᱛ ᱚᱨ ᱰᱚ ᱡᱮᱜᱮᱛ ᱡᱟᱠᱟᱛ ᱦᱚᱲ ᱠᱚ ᱵᱟᱰᱟᱭ ᱟᱠᱟᱜᱼᱟ | ᱯᱩᱨᱤ ᱨᱮᱭᱟᱜ ᱡᱚᱜᱚᱱᱟᱛᱷ ᱢᱚᱱᱫᱤᱨ, ᱠᱚᱱᱟᱨᱠᱚ ᱨᱮᱭᱟᱜ ᱥᱤᱧ ᱪᱟᱸᱫᱚ ᱢᱚᱱᱫᱤᱨ, ᱵᱷᱩᱵᱽᱱᱮᱥᱚᱨ ᱨᱮᱭᱟᱜ ᱞᱤᱝᱜᱚᱨᱟᱡᱽ ᱢᱚᱱᱰᱤᱨ, ᱠᱷᱚᱱᱰᱚ ᱜᱤᱨᱤ, ᱩᱰᱚᱭ ᱜᱤᱨᱤ, ᱫᱷᱚᱶᱲᱤ ᱜᱤᱨᱤ ᱮᱢᱟᱱ ᱱᱚᱶᱟ ᱯᱚᱱᱚᱛ ᱨᱮᱭᱟᱜ ᱧᱮᱞ ᱡᱚᱝ ᱴᱷᱟᱶ ᱠᱟᱱᱟ | ᱵᱟᱞᱮᱥᱚᱨ ᱨᱮᱭᱟᱜ ᱪᱟᱱᱫᱤᱯᱩᱨ ᱨᱮ ᱫᱩᱜ ᱫᱟᱨᱟᱢ ᱜᱷᱟᱹᱴᱤ ᱢᱮᱱᱟᱜᱼᱟ |
ᱳᱰᱤᱥᱟ ᱯᱚᱱᱚᱛ ᱧᱩᱛᱩᱢ
ᱳᱰᱤᱥᱟ ᱧᱩᱛᱩᱢ ᱫᱚ ᱩᱨᱚ, ᱩᱨᱚ, ᱩᱰᱨᱚ ᱮᱢᱟᱱ ᱢᱟᱨᱮ ᱟᱹᱲᱟᱹ ᱠᱷᱚᱱ ᱦᱟᱛᱟᱶ ᱟᱠᱟᱱᱟ | ᱯᱟᱞᱤ ᱟᱨ ᱥᱚᱸᱥᱠᱨᱩᱛ ᱥᱟᱶᱦᱮᱫ ᱨᱮ ᱩᱰᱤᱭᱟᱹ ᱦᱚᱲ ᱫᱚ ᱳᱰᱚᱠᱚ ᱳᱰᱨᱚ ᱠᱚ ᱢᱮᱛᱟ ᱠᱚᱶᱟ |ᱧᱩᱛᱩᱢ ᱵᱚᱫᱚᱞ
ᱢᱟᱬᱟᱝ ᱫᱚ ᱳᱰᱤᱥᱟ ᱟᱨ ᱳᱰᱤᱭᱟ ᱫᱚ ᱤᱝᱞᱤᱥ ᱟᱨ ᱦᱤᱱᱫᱤ ᱛᱮ Orissa ᱟᱨ Oriya ᱢᱮᱱᱛᱮ ᱠᱚ ᱚᱞᱮᱫ ᱛᱟᱦᱮᱸᱫ | ᱒᱐᱐᱘ ᱥᱟᱞ ᱡᱩᱱ ᱪᱟᱸᱫᱚ ᱙ ᱢᱟᱹᱷᱤᱛ ᱦᱤᱞᱚᱜ ᱯᱚᱱᱚᱛ ᱠᱮᱵᱤᱱᱮᱴ ᱨᱮ Orissa ᱟᱨ Oriya ᱵᱚᱰᱚᱞ ᱛᱮ Odisha ᱟᱨ Odia ᱚᱞ ᱞᱟᱹᱜᱤᱫ ᱯᱨᱚᱥᱴᱟᱵᱽ ᱟᱹᱜᱩᱭᱮᱱᱟ | ᱒᱐᱐᱘ ᱥᱟᱞ ᱚᱜᱚᱥᱴᱚ ᱨᱮ ᱯᱚᱱᱚᱛ ᱵᱤᱫᱷᱟᱱ ᱥᱚᱵᱷᱟ ᱨᱮ ᱯᱨᱚᱥᱛᱟᱵᱽ ᱟᱹᱜᱩᱭᱮᱦᱱᱟ ᱟᱨ ᱵᱚᱦᱩᱢᱚᱛ ᱥᱟᱶᱛᱮ ᱦᱟᱛᱟᱶ ᱮᱱᱟ | ᱱᱚᱶᱟ ᱫᱚ ᱒᱐᱑᱐ ᱥᱟᱞ ᱨᱮ ᱵᱚᱡᱮᱴ ᱚᱫᱷᱤᱵᱮᱥᱚᱱ ᱨᱮ ᱞᱚᱠᱚ ᱥᱚᱵᱷᱟ ᱨᱮ ᱟᱹᱜᱩᱭᱮᱱᱟ | ᱨᱟᱵᱟᱝ ᱚᱫᱦᱤᱵᱮᱥᱚᱱ ᱨᱮᱭᱟᱜ ᱯᱩᱭᱞᱩ ᱫᱤᱱ (ᱚᱠᱴᱚᱵᱚᱨ ᱙, ᱒᱐᱑᱐) ᱨᱮ ᱱᱚᱶᱟ ᱫᱚ ᱥᱚᱨᱟᱥᱴᱨᱚ ᱯᱤ ᱪᱤᱫᱟᱢᱵᱚᱨᱚᱢ ᱞᱚᱠ ᱥᱚᱵᱷᱟ ᱨᱮ ᱟᱹᱜᱩ ᱞᱮᱜ-ᱟ | ᱚᱱᱟ ᱛᱟᱭᱚᱢ ᱱᱚᱶᱟ ᱰᱤᱥᱚᱢ ᱜᱚᱢᱠᱮ ᱴᱷᱮᱱ ᱵᱷᱮᱡᱟ ᱞᱮᱱᱟ | ᱱᱚᱶᱟ ᱫᱚ ᱒᱐᱑᱑ ᱥᱟᱞ ᱱᱚᱵᱷᱮᱢᱵᱚᱨ ᱔ ᱦᱤᱞᱚᱜ ᱵᱷᱟᱨᱚᱴ ᱨᱮᱱᱤᱡ ᱰᱤᱥᱚᱢ ᱜᱚᱢᱠᱮ ᱯᱟᱥ ᱠᱮᱜ-ᱟ |ᱡᱤᱞᱟ ᱠᱚ
ᱳᱰᱤᱥᱟ ᱨᱮᱰᱚ ᱓᱐ ᱜᱚᱴᱟᱝ ᱡᱤᱞᱟ ᱢᱮᱱᱟᱜ-ᱟ ᱾ ᱚᱱᱟ ᱨᱮᱭᱟᱜ ᱧᱩᱛᱩᱢ ᱠᱚᱫᱚ :-- ᱚᱱᱩᱜᱩᱲ
- ᱵᱚᱶᱫᱷᱚ
- ᱵᱷᱚᱫᱽᱨᱚᱠ
- ᱵᱚᱞᱟᱝᱜᱤᱨ
- ᱵᱚᱨᱚᱜᱚᱰ
- ᱵᱟᱞᱮᱥᱶᱚᱨ
- ᱠᱚᱴᱚᱠ
- ᱫᱮᱵᱚᱜᱚᱰ
- ᱰᱷᱮᱝᱠᱟᱱᱟᱲ
- ᱜᱚᱧᱡᱟᱢ
- ᱜᱚᱡᱚᱯᱚᱛᱤ
- ᱡᱷᱟᱨᱥᱩᱜᱩᱰᱟ
- ᱡᱟᱡᱽᱯᱩᱨ
- ᱡᱚᱜᱚᱛᱥᱤᱝᱯᱩᱨ
- ᱠᱷᱚᱨᱫᱟ
- ᱠᱮᱱᱫᱩᱡᱷᱚᱨ
- ᱠᱚᱲᱟᱦᱟᱱᱰᱤ
- ᱠᱚᱱᱫᱷᱚᱢᱟᱲ
- ᱠᱚᱨᱟᱯᱩᱴ
- ᱠᱮᱱᱫᱨᱟᱯᱚᱰᱟ
- ᱢᱟᱞᱠᱟᱱᱜᱤᱨᱤ
- ᱢᱚᱭᱩᱨᱵᱷᱚᱸᱡᱽ
- ᱱᱚᱵᱚᱨᱚᱝᱯᱩᱨ
- ᱱᱩᱶᱟᱯᱚᱰᱟ
- ᱱᱚᱭᱟᱸᱜᱚᱰ
- ᱯᱩᱨᱤ
- ᱨᱟᱭᱚᱜᱚᱰᱟ
- ᱥᱚᱢᱵᱚᱞᱯᱩᱨ
- ᱥᱩᱵᱚᱨᱱᱚᱯᱩᱨ
- ᱥᱩᱱᱫᱚᱨᱜᱚᱰ
29600cookie-checkᱳᱰᱤᱥᱟ ᱯᱚᱱᱚᱛ / Odisha State
