ᱵᱩᱨᱩ ᱠᱚᱪᱟ ᱠᱟᱫᱟᱢ ᱡᱷᱟᱨᱱᱟ ᱨᱮ
ᱜᱟᱹᱭᱤᱧ ᱜᱩᱯᱤ ᱠᱟᱱᱟ ᱮᱠᱞᱟ ᱱᱤᱪᱚᱞ ᱨᱮ ᱵᱮᱲᱟᱨᱮ
ᱛᱤᱻᱨᱮ ᱛᱤᱨᱭᱟᱹᱣ ᱵᱟᱱᱟᱢ ᱜᱚᱜᱚᱜ ᱜᱚᱞᱟᱨ ᱜᱟᱢᱪᱷᱟ
ᱯᱟᱴᱷᱮ ᱠᱮᱴᱮᱡ ᱫᱷᱩᱛᱤ ᱯᱮᱬᱮ ᱯᱷᱩᱴᱟᱹ ᱠᱟᱪᱟ
ᱥᱚᱠᱚᱲ ᱵᱚᱠᱚᱲ ᱫᱟᱜ ᱫᱚ ᱞᱤᱝᱜᱤᱱ ᱞᱤᱝᱜᱤ ᱟᱠᱟᱜᱮ ᱛᱟᱦᱮᱸᱱ
ᱪᱮᱬᱮ ᱪᱤᱯᱨᱩᱡ ᱪᱮᱨᱚ ᱵᱮᱨᱚ ᱥᱮᱨᱮᱧ ᱟᱠᱟ ᱠᱚ ᱛᱟᱦᱮᱸᱱ
ᱥᱤᱨᱡᱚᱱ ᱨᱟᱹᱱᱤ ᱟᱢᱟᱜ ᱦᱟᱦᱟᱲᱟ ᱜᱮᱛᱟᱢ ᱥᱤᱨᱡᱚᱱ
ᱦᱮᱢᱟᱞ ᱵᱩᱨᱩ ᱥᱚᱝᱜᱷᱟ ᱦᱟᱹᱨᱭᱟᱹᱲ ᱦᱟᱦᱟᱲᱟ ᱜᱮ ᱜᱚᱲᱦᱚᱱ
ᱡᱷᱤᱯᱤᱨ ᱡᱷᱤᱯᱤᱨ ᱫᱟᱜ ᱮ ᱡᱟᱹᱲᱤᱭᱮᱫ
ᱛᱤᱻᱨᱮ ᱛᱤᱨᱤᱭᱟᱹᱣ ᱵᱟᱱᱟᱢ ᱥᱟᱰᱮ ᱠᱟᱱ
ᱜᱚᱴᱟ ᱵᱩᱨᱩ ᱫᱟᱥᱱᱟ ᱨᱟᱦᱟ ᱫᱚ ᱛᱟᱠᱮᱨᱚᱜ
ᱦᱮᱥᱮᱡ ᱥᱮᱠᱮᱡ ᱯᱟᱞᱮ ᱵᱚᱝᱜᱟ ᱠᱩᱲᱤ ᱠᱚ ᱞᱩᱦᱩᱠ ᱡᱚᱝ
ᱢᱚᱱᱮ ᱢᱚᱱᱮ ᱛᱤᱧ ᱩᱭᱦᱟᱹᱨ ᱡᱚᱝ ᱠᱟᱱ
ᱫᱩᱲᱩᱵ ᱠᱟᱛᱮᱧ ᱠᱩᱠᱢᱩ ᱡᱚᱝ ᱠᱟᱱ
ᱫᱩᱞᱟᱹᱲ ᱜᱟᱛᱮ ᱦᱩᱱᱟᱹᱝ ᱛᱟᱦᱮᱸ ᱠᱚᱜ ᱛᱤᱧ
ᱛᱤᱨᱭᱟᱹᱣ ᱨᱟᱦᱟ ᱫᱚᱭ ᱛᱮᱞᱟ ᱠᱟᱜ ᱛᱤᱧ

ᱠᱟᱫᱟᱢ ᱡᱷᱟᱨᱱᱟ
ᱢᱟᱹᱱ ᱪᱟᱱᱫᱨᱟᱭ ᱠᱤᱥᱠᱩ

ᱨᱚᱜᱷᱩᱱᱟᱛᱰᱤ, ᱵᱚᱦᱚᱲᱫᱟ, ᱵᱷᱚᱸᱡᱽ

3580cookie-checkᱠᱟᱫᱟᱢ ᱡᱷᱟᱨᱱᱟ
RAHA RAHLA

By ᱨᱟᱦᱟ ᱨᱟᱦᱞᱟ

ᱟᱹᱭᱩᱨᱤᱭᱟᱹ