ᱥᱮᱨᱢᱟ ᱫᱟᱯᱟᱞᱚᱜ ᱜᱚᱴᱟ ᱯᱩᱸᱰ ᱨᱤᱢᱤᱞ ᱛᱮ ,

ᱥᱚᱱᱮᱨ ᱥᱚᱥᱱᱚᱜ ᱪᱟᱯᱟᱲᱮ ᱯᱩᱸᱰ ᱵᱟ.ᱜᱷᱩᱛ |

ᱯᱷᱟᱫ ᱯᱷᱟᱫᱟᱣ ᱠᱟᱛᱮ ᱯᱟᱥᱱᱟᱣᱜ ,

ᱟ.ᱫᱤᱢ ᱠᱚᱣᱟᱜ ᱦᱮᱥᱮᱡ ᱥᱮᱠᱮᱡ ᱨᱟ.ᱥᱠᱟ. |

ᱛᱩᱢᱫᱟᱜ ᱴᱟᱢᱟᱠ ᱪᱚᱲ ᱪᱩᱲᱤ ᱠᱚ ᱦᱤᱲᱤᱧ ,

ᱫᱚᱝ ᱞᱟᱜᱽᱬᱮ ᱰᱟᱦᱟᱨ ᱵᱟᱦᱟ ᱨᱤᱸᱡᱟ. ,

ᱠᱟᱨᱟᱢ ᱮᱱᱮᱡ ᱢᱟᱞᱚᱴᱚᱜ 

ᱯᱩᱸᱰ ᱦᱚᱲᱟᱜ ᱟ.ᱭᱫᱟ.ᱨᱤ ᱫᱚᱞᱟᱱᱛᱮ |

ᱦᱚᱭᱛᱮ ᱚᱴᱟᱝᱚᱜ ᱞᱮᱠᱟᱱ ᱡᱤᱣᱤ ᱨᱮ ,

ᱛᱟᱦᱟᱢ ᱛᱩᱠᱩᱡ ᱦᱚᱭ ᱫᱚᱭ ᱯᱷᱮᱧᱪᱚᱲᱚᱜ ,

ᱛᱚᱜᱚᱡ ᱰᱟᱴᱟ ᱠᱟᱛᱮ ᱛᱟᱦᱟᱸᱨᱮᱛᱟ ᱡᱚᱝ ,

ᱫᱚᱝ ᱞᱟᱜᱽᱬᱮ ᱰᱟᱦᱟᱨ ᱵᱟᱦᱟ ᱥᱮᱨᱮᱧ ᱠᱚ |

ᱛᱤᱡᱩ ᱵᱟᱞᱮ ᱥᱟᱠᱟᱢ ᱠᱚ ᱟ.ᱛᱤᱧ ᱴᱷᱩᱰᱜᱟ.ᱭ ,

ᱨᱚᱦᱚᱲ ᱫᱟᱨᱮ ᱥᱚᱱᱮᱨ ᱥᱚᱥᱱᱚᱜ ᱰᱷᱩᱰᱨᱩᱜ ,

ᱮᱨᱮ ᱪᱮᱬᱮᱠᱚ ᱴᱷᱚᱴᱨᱟᱣ ᱞᱮᱠᱟ ᱚᱱᱟ ,

ᱯᱟᱭᱨᱟᱜ ᱠᱟᱱᱟ ᱵᱚ ᱜᱚᱡ ᱫᱚᱨᱮᱭᱟ ᱨᱮ |

ᱛᱤᱥ ᱪᱚ ᱚᱱᱟ ᱡᱷᱤᱡᱩᱜ ᱠᱟᱯᱟᱴ ,

ᱥᱚᱱᱮᱨ ᱥᱚᱥᱱᱚᱜ ᱨᱟᱲᱟ ᱫᱩᱜ ᱠᱚᱜ ,

ᱟᱵᱚᱨᱤᱱ ᱜᱚᱲᱚᱢ ᱦᱟᱲᱟᱢ ᱠᱚᱣᱟᱜ ,

ᱨᱟᱠᱷᱟ ᱫᱚᱦᱚ ᱟᱠᱟᱫ ᱢᱤ~ᱢᱤᱫᱴᱟᱝ ᱛᱷᱚᱯᱮ |

ᱫᱮᱞᱟ ! ᱟᱢ ᱨᱮᱦᱚᱸ ᱨᱩᱣᱟ.ᱲ ᱢᱮᱥᱮ 

ᱟᱞᱮ ᱦᱚᱸ ᱢᱮᱱᱟᱜ ᱞᱮ ᱱᱚᱸᱵᱮ ᱛᱟᱢᱵᱟᱜ ᱨᱩᱥᱟ.ᱜ ,

ᱦᱟᱨᱠᱮᱛ ᱥᱟᱥᱮᱛ ᱫᱮᱭᱟ ᱠᱟᱛᱮ ᱪᱷᱟᱴᱠᱟ ᱨᱮ ,

ᱟᱵᱚ ᱫᱚᱵᱚᱱ ᱵᱚᱞᱚᱱ ᱨᱟᱲᱟᱫᱩᱜᱩᱜ ᱫᱚᱞᱟᱱ |

4020cookie-checkᱫᱮᱞᱟ ᱨᱩᱣᱟ.ᱲ ᱢᱮ